Wednesday, April 29, 2015
கீழக்கரையில் பார்வைக்கு வைக்கப்பட்டுள்ள சாதிவாரி கணக்கெடுப்பு வரைவுப் பட்டியல்!!
கீழக்கரையில் பார்வைக்கு வைக்கப்பட்டுள்ள
சாதிவாரி கணக்கெடுப்பு வரைவுப் பட்டியலில் திருத்தங்களுக்கு பொதுமக்கள் விண்ணப்பிக்கலாம் என அறிவிக்கப்பட்டுள்ளது.
கீழக்கரை நகராட்சி ஆணையர் முருகேசன்
விடுத்துள்ள செய்திக்குறிப்பு:
கீழக்கரை நகராட்சியில் கடந்த 2011-ஆம் ஆண்டு நடத்தப்பட்ட சமூக பொருளாதார,
சாதிவாரி கணக்கெடுப்பில் பெறப்பட்ட
விவரங்கள் அடங்கிய வரைவுப்பட்டியல் புதன்கிழமை முதல் நகராட்சி அலுவலகத்தில்
பொதுமக்களின் பார்வைக்கு வைக்கப்பட்டுள்ளது.
படிவம் அ வில் வரைவு பட்டியலில்
சேர்க்கப்பட்டுள்ள தகவலுக்கு எதிராக தாக்கல் செய்வதற்கும்,
படிவம் -ஆ வில் திருத்தங்கள் மாறுதல்
செய்வதற்கும், படிவம் இ மூலம்
கணக்கில் விடுபட்ட குடும்பங்கள் சேர்ப்பதற்கும் முகவரி மாற்றம் செய்வதற்காகவும்
விண்ணப்பிக்கலாம்.
இந்த விண்ணப்பங்களை மே மாதம் 6
ஆம் தேதி காலை 11
மணி முதல் பிற்பகல் 3
மணி வரை நேரில் தாக்கல் செய்யலாம்.
மேற்கண்ட பட்டியல் மீது ஆட்சேபணை, கோரிக்கை குறித்து ஆய்வு செய்யப்பட்டு இறுதிப்பட்டியல் ஜூன்
17-இல்
வெளியிடப்படும் என்று தெரிவித்துள்ளார்.
No comments :
Post a Comment